ஆளும் கட்சிக்கொடியின் வண்ணம்

மணல் கொள்ளைபோகும்

வண்டி மாடுகளின் கொம்புகளில்…

ஆளும் கட்சிக்கொடியின் வண்ணம்

‘புருசனோட படுத்தாக்கூடத்தான் அழகுக் கொறைஞ்சிடும்’

குழந்தை பெத்துக்கிட்டா

அழகு போயிடுமுன்னு சொல்லியதைக் கேட்டு… பார்த்து… குடும்பத்துக்குத் தெரியாமல் கருக்கலைப்பு செய்தாள்! ஒரு நாள் கணவனுக்குத் தெரியவர… ‘புருசனோட படுத்தாக்கூடத்தான் அழகுக் கொறைஞ்சிடும்’ன்னு சொல்லி விவாகரத்துப் பெற்று மற்றொருவளைத் திருமணம் செய்துகொண்டான். பிறிதொரு நாளில் மனைவியோடும் 3 குழந்தைகளோடும் அவனை ஒருநாள் பார்க்க… 40 வயதில் இப்படியாகிட்டோமே என்று

வருந்தித்தான் போனாள்!

முதிர்கன்னியாகியபின் திருமணம்...

கல்யாணம் பண்ணிக்கிட்டா

சுதந்திரம் போயிடுமுன்னு

பேசி… பேசி... பேசியே…

முதிர்கன்னியாகியபின்

திருமணம் செய்து கொண்டாள்!

திருமணத்திற்குப் பிறகுதான் தெரிந்தது

அவளுக்கு…

மூன்று முடிச்சியில்தான்

சுதந்திரம் இருக்கிறதென்று!

பீடு அன்று... என்று?

“பீடு அன்று” என்றவள்
எரிக்க மட்டும் அழைத்தாள்
காய்கதிர்ச் செல்வனே…!

இலையுதிர் காலம் – முடிவு

நன்றி - ஹைக்கூ உலகம்

போட்டி எண் – 3 (ஹைக்கூ - இலையுதிர் காலம்) – முடிவு:

S Naga Lingam

1.இலையுதிர்கால/

மரக்கிளையில் அசைந்தாடுகிறது/

ஏழைச்சிறுவனின் கிழிந்த சட்டை

2.குளிர் காற்றில்/

நடுங்குகிறது பறவைகள்/

இலையுதிர்கால மரத்தில் கூடு

3.மாலை நிலவொளியில்/

ஆச்சரியக்குறி போல காட்சி தரும்/

தூக்கணாங்குருவி கூடு

4.நீண்ட இரவு/

ஆனந்தம் பொங்குகிறது/

கரகாட்ட நிகழ்ச்சி

5.சோளக்கொல்லையோரம்/

சாய்ந்துகிடக்கிறது/

பாட்டியின் ஊன்றுகோல்

---

முல்லை நாச்சியார்

1.பனிமூட்ட இரவினில்/

இலையுதிர் காலத் திருவிழா/

சில்வண்டுகளின் ரீங்காரம்

2.கல்லறையில் மலர்ச்செண்டு/

அனைத்து ஆன்மாக்கள் திருவிழா/

பறவையின் சிறகொலி

3.நொருங்கப்போவது தெரியாமல்/

பழுக்கத் தொடங்கும் இலைகளில்/

முசுறுக் கூண்டு

4.இலையுதிர்காலத் தனிமை/

இலையுதிர்ந்த மரக்கூட்டில்/

இறந்த காகம்

5.வாடகைக்கு இடந்தேவை/

மரக்கீழ் பாடசாலை மாணவர்க்கு/

இலையுதிர் காலம்

---

மகிழ்நன் மறைக்காடு

1. மாட்டுக்கொட்டகையில் கொசுக்கள் /

சுற்றிச் சுற்றி வருகின்றன /

விற்ற பசுவின் நினைவுகள்

2. பூவுதிர்த்த காம்புகளில்/

மீண்டும் அரும்பும் மொக்குகள்/

அதிகாலைப் பனித்துளிகள்

3. வெள்ளை நிறப் பூக்கள் /

நெல்வயல் முழுதும் பூத்திருந்தது /

கொக்குகளின் கூட்டம்

4.உதிர்ந்த சருகுகளின் கீழ்/

பதுங்கும் பூச்சியினம்/

இலையுதிர் கால மழை

5.இருளடையும் மலை /

அழகாக்கிக் காட்டும் /

எங்கிருந்தோ வரும் ஒளி

https://www.facebook.com/groups/haikusenryuworld/