உருவக கதைக் கவிதை

காக்கைக்கும் நரிக்கும் அதே தொல்லை.

காக்கை வடையைவிட மனமில்லை

நரிக்கும் கேட்காமலிருக்க வெட்கமில்லை.

காக்கை அஃறிணை என்பதாலோ என்னவோ

இன்னும் வடையைத் தின்றபாடில்லை

நரியும் அவ்விடம் விட்டு நகர்ந்தபாடில்லை.

அவ்விடம் வந்த வேடன்

நரியை பிடித்துச் சென்றான்.

நரிக்கு நல்லா வேணும் என்று நினைத்தபோது

வேடன் ஒருவன் காக்கை சுட்டுவீழ்த்தினான்.

காக்கை வாயிலிருந்த வடை கீழே விழு

எறும்புகள் தின்று முடித்தது.

ம. ரமேஷ் ஹைபுன் – 11

காலை... சாலையில் போகும்போது நாய் ஒன்று இறந்துகிடந்தது. அலுவலகத்துக்கு விரையும்போதும்கூட எந்த வண்டிக்காரனோ கொன்னுட்டுப்போயிட்டான் என்று வருத்தப்பட்டுக்கொண்டு சென்றார். அலுவலகத்தில்கூட சரியாக வேலை செய்யவில்லை. மாலை… திரும்பும் வழியில் ஒரு டாஸ்மாக் கடைக்கு முன்னால் ஒருவன் விபத்தில் சிக்கி பரிதாபமாக இறந்திருந்தான். குடிக்கத்தான் அந்தப்பக்கமா அவசரமா போய் இருக்கனும்… குடிக்கத்தான் போறானே அப்புறம் என்னதான் அவசரமோ அவனுக்கு… இவனுங்களுக்கு எல்லாம் நல்லா வேணும்… இரவு நன்றாக சாப்பிட்டுவிட்டு உறங்கப்போனார்… கனவில் இறந்த அந்த நாயும் மனிதனும் ஓடி பிடித்து விளையாடிக்கொண்டிருந்தார்கள் சொர்க்கத்தில்!

நமக்கென்ன போகிறது

இறந்தவன் யாரோ

மறைந்த மனித நேயம்

(இப்படியும் எழுதலாம்… புதியதாக எழுதுபவர்களுக்கான மாதிரி இது:

சொர்க்கமோ நரகமோ

இறப்பு துன்பம்தான்

இழந்தவர்களுக்கு

புதிய பேருந்து நிறுத்தங்கள்

மகிழ்ச்சியில் பயணிகள்

டாஸ்மாக் கடைகள்

அலுவல் வேலை

சரியாக நடக்கவில்லை

காலை கண்ட காட்சி

இறந்த பிறகு வருத்தப்பட

என்ன இருக்கிறது

இறந்தவன் திரும்பான்)

ம. ரமேஷ் ஹைபுன் – 10

ம. ரமேஷ் ஹைபுன் – 10

என்னால் முடியாது. இல்ல உன்னால் கண்டிப்பா முடியும் டா. ஏன்டா செல்லம் எனக்காக இது கூட செய்ய மாட்டியா? செய்தான். என்ன அழகுடா நீ சிகரெட் புடிப்பது. இந்த கிளாஸ அழகா புடுச்சி குடிக்கிற அழகுலதான்டா நான் விழுந்துட்டேன். சேர்ந்தே குடித்து காதல் வளர்த்து திருமணம் முடித்தார்கள். ஏதோ சொல்வார்களே அந்த நாள் எண்ணிக்கைகூட போகவில்லை. ஆச்சரியம்தான். நீங்க குடிக்கிறதையும் சிகரெட் புடிக்கிறதையும் இனி வுட்டுடு நல்லதில்ல. இல்லன்னா டைவஸ்தான்!

கெட்டதும்

நல்லதாகிறது

காதல் பொழுதுகள்

(இப்படியும் எழுதலாம்… புதியதாக எழுதுபவர்களுக்கான மாதிரி இது:

மிரட்டல்

பணிந்து போகிறான்

காதல் திருமணம்

இனிப்பும்

கசப்பும் நிறைந்தது

காதல் வாழ்க்கை)

ம. ரமேஷ் ஹைபுன் – 9

ஆடை அணிந்திருந்தும் நிர்வாணமாகத்தான் காட்சியளிக்கிறார்கள். எங்கும் ஏறி இறங்க பேரூந்துகள், ஆட்டோக்கள். எங்க ஊருல மணி கணக்கா காத்திருக்கனும்.  எதை வாங்கினாலும் பணம் கொஞ்சம் கூட தான்.  அங்க பீடி, சிகரெட்தான் வெல கொஞ்சம் கூட இருக்கும். சம்பாதிக்கலன்னாலும் வாங்குறவங்களுக்குப் பணம் ஒரு பிரச்சினை இல்ல. தண்ணிக்குப் போன் பண்ணினா கேன் கேனா வந்துடுது. நானோ கெணறு கெணறா, பம்பு செட்டு பம்பு செட்டா அலைஞ்சதுதான் நேபகம் வருகிறது.

அவமானத்தில்

காவிரி!

நீதிமன்றத்தில் வழக்கு

இப்படியும் எழுதலாம்… புதியதாக எழுதுபவர்களுக்கான மாதிரி இது:

(கொஞ்சம் தாருங்கள்

தவிக்கிறோம்

நதிநீர்ப் பிச்சை

நீதிமன்றத் தீர்ப்புக்கு

கட்டுப்படுவதில்லை

மாநில அரசியல்கள்

விவசாயிகளுக்கு

எதிரிகள்

விவசாயிகள்

ஆடை

அழகுதான்

நிர்வாணம்)

ம. ரமேஷ் சென்ரியு

வேலைவாய்ப்பில்

முரண்பாடுகள்

சமச்சீர் கல்வி

அடித்தால ஜெயில்

துணிந்து அடிக்கும்

மாணவன்

கட்டுப்பாடற்ற உலகம்

கட்டுப்பாடு தேவை

மாணவர்களுக்கு

படிடா … முடியாது!

எழுதுடா … முடியாது!

சார் நான் பாஸ் ஆயிட்டேன்

பிரம்பால் சின்ன அடி

வலிக்காதபடி

மாணவனுக்கு

அன்பான கண்டிப்பு

மாணவன் புரிந்துகொண்டான்

கண்டித்தால் உயர்வு

ம. ரமேஷ் சென்ரியு

அகழ் விளக்குகள்

கார்த்திகை தீபமில்லை

மின்தடை இரவுகள்

கனவில் கண்ட

கடவுள் சாயலில்

மாறுவேட பிச்சைக்காரன்

பழைய மணவறை

புதிய மாலைகள்

விவாகரத்தால் மூன்றாம் மணம்

கண் மூடினால்

உன் உருவம்

திறந்தால் கானல் நீர்

தோள்மேல் கை

காமமற்ற நடத்தை

ஆண்பெண் நட்பு

ம. ரமேஷ் சென்ரியூக்கள்

காதலில் தொலைந்தது

சாதி மதம்… கூடவே

அன்பும்

அரசியல்வாதிகளின்

வாக்குறுதிகள்

தரமற்ற இலவசங்கள்

சூரைத் தேங்காய்

மகிழ்ச்சியில்

குரங்குகள்

ஆடையில் சாயங்கள்

வெளுப்பதில்லை, வெளுத்தே வரும்

நாகரிக ஆடைகள்

கொடுத்துக் கொண்டேயிருக்கிறது

கூரையைப் பீய்த்து தெய்வம்

கூரைவீட்டானுக்குத் துன்பம்

ம. ரமேஷ் ஹைக்கூ

ஒரு காளான்

புதர் மறைவில்

நூறு காளான்கள்

சாலைக்கு

தாகம் தீர்ந்தது

கானல் நீர்

தவளைகள் சப்தம்

தாலாட்டில் உறங்கும்

பாம்புகள்

மழைக்கால இரவு

பாவம்… நனைந்திருக்குமா?

குளத்தில் நிலவு

மானைத் துரத்திய

சிங்கம் நின்றது

அடுத்த அடியில் எறும்புகள்

மாலை நேரம்

வீசும் காற்று

படுத்துறங்கும் பாறை

ம. ரமேஷ் சென்ரியு

கோபமான பேச்சு

என்னதான் செய்வது?

காதல் திருமணம்

எரிகிறது

பசி அடங்கவில்லை

வெட்டியான் வயிறு

இழவு வீடு

ஒப்பாரிப் பாடல்

கேசட்டில் ஒலிக்கிறது

லட்ச ரூபாய்

வீட்டுக்கு அதிஷ்டம்

மதுவால் இறப்பு

வானில்  ஒரு நிலவு

பூமியில் அதியசம்

கோடி நிலவுகள்

கொடுக்கப்பட்ட முத்தம்

விலைபோனது

திரைப்படம் வெற்றி

வரிசையில் ஆண்கள்

திறக்கப்பட்டது

டாஸ்மாக்

நலமாயிருந்தும்

ஊனமுற்றவர்கள்

முதியோர் இல்லம்

தள்ளாடி செல்லும்

கால்கள்

சவ ஊர்வலம்

ம. ரமேஷ் சென்ரியுக்கள்

சுத்தப் பொய் இருந்தும்

வாய்த் திறக்காமல்

கண்கட்டிய தேவதை

திரைப் படக் காதல்

வளர்ந்து நிற்று பாடம் சொல்கிறது

தொடக்கப் பள்ளிக் காதல்

கை கால் மூக்கு

அப்படியே பாட்டன் மாதிரி

மறுபிறப்பு

பேசாமல் படி பேசாமல் படி

பேசிக்கொண்டேயிருக்கும்

ஆசிரியர்

புன்னகையைவிட

பொன்னகைதான் வாழ்க்கை

ஏழைப் பெண்ணுக்கு

ஆசைப்படாமலிருக்க

துன்பப்படுத்திக்கொண்டிருக்கிறது

மனசு

மரத்தில் கீறல்

வலி காணமல்போனது

காதலர்கள் பெயர்கள்

நகர முடியாமல்

பேருந்து நெரிசல்

பாடை ஊர்வலம்

ம. ரமேஷ் ஹைக்கூ

காலையிலேயே

யார் அடித்திருப்பார்கள்?

சிவந்திருக்கும் ரோஜா

காயம் அடையாமல்

தேனெடுக்கும் வண்டுகள்

ரோஜா தோட்டம்

பொட்டிழந்தவள் விற்கிறாள்

பூக்களை யாரும் வாங்கவில்லை

கடற்கரையில் நுரைப்பூக்கள்

முன்பின்

அறிமுகமில்லை

சிரிக்கும் குழந்தை

என்னென்ன ஆசையோ

சொல்ல வாய்த் திறக்கும்

பிஞ்சுக் குழந்தை

கை வீசி

நடக்கும் காற்று

புயல்

விளையாடும் அணில்

உண்டிவில்லோடு

இளமைக்கால நினைவு

ம. ரமேஷ் ஹைக்கூ

தென்னங்கீற்று

அசையும் நேரம்

காற்று வாங்கும் நாற்று

அழகாய் இருக்கிறது

முகமா? என்கிறாய்

செவ்வானம்

யார் சொல்லிக் கொடுத்தது

விரையும் காக்கைகள்

கோயில் மணி

விரையும் பேருந்து

நிறையும் மகிழ்ச்சி

கை அசைக்கும் குழந்தை

முள் மஞ்சம்

சுகமான உறக்கம்

காக்கை கூடு

அடுக்குமாடி

குடியேற ஆசை

தூக்கணா குருவிக்கூடு

வாடிய பயிர்

அவசரமாய்

மேயும் ஆடு/மாடு

வானமெங்கும்

மின்மினிகள்

தீபாவளி இரவு

உண்டிவில்

இழுக்கும் சிறுவன்

ஏமாற்ற நினைக்காத பறவை!

ம. ரமேஷ் சென்ரியு

சட்டங்கள் தேவைதான்

கொலைகாரர்களுக்குக்

கருணை காட்ட.

தலைமேல்

நிழல்

தொப்பி

பள்ளிச் சுவர்

நோட்டீஸ் ஒட்டாதீர்

ஆளும்கட்சி போஸ்டர்

சிரிக்க

பயிற்சி கொடுக்கப்படும்

விரையும் நடிகைகள்

கழுதை கெட்டா

குட்டிச்சுவறு

சாமியாருக்குச் சிறை

நாய்கள் குறைக்கிறது

திருடர்கள் பயமில்லை

குழந்தை எதாவது?

காம்பு இல்லாத

மலர்

உள்ளங்கை

நள்ளிரவு

அந்தி வெளிச்சம்

மின்மினிகள் ஒளி

விடுதலை நாள்

மகிழ்ச்சி இல்லை

தொலைந்த வாலிபம்

தங்கத்தில் தாலி

திருடர்கள் ஜாக்கிரதை

அம்மன் கழுத்தில் மஞ்சள்கயிறு

ம. ரமேஷ் சென்ரியு

மின்தடை இரவுகள்

திருடர்களுக்கு எரிச்சல்

உறங்காத விழிகள்

ஒரு வேளைகூட பட்டினி

அடுப்பெரிக்க சோம்பேறித்தனம்

விலையில்லா அரிசி திட்டம்

வீதி நிறைய

பட்டாசு காகிதம்

சீனா தயாரிப்பு

அழாதே பாட்டி

நான் இருக்கிறேன்

முதியோர்இல்லத்தில் பேரன்

கேபிள் ஒயரில்

பயமின்றி நடக்கிறது

பிச்சைக்காகச் சிறுமி

அந்தரத்தில் சிறுமி

தந்தையின் சாட்டை அடி

சமுதாயத்துக்கு

கூரைக்குள் நடந்தால்

சாதனையும் திறமையும்

பேரூந்து நிறுத்தமென்றால் பிச்சை

மாலை குடிப்பதற்காக

வேகமாக வேலை செய்கிறான்

அப்பனுக்காகக் குழந்தை

ம. ரமேஷ் ஹைக்கூ

அமர இடமில்லை

நகரத்தில் வருந்தும்

பனித்துளிகள்

விசித்திரம்

கனவில்லா இரவு

மரணம்

காற்றின்

போக்குக்குப் போகும்

கையில் நூலிருந்தும் பட்டம்

ஒன்றும் அறியாததுபோல

மறுநாள் வீசும் காற்று

புயல் ஓய்ந்த கடற்கரை

ஓடைநீர்

சலசலக்கிறது

மேடு பள்ளம்

சிறகடிக்கும்

சிட்டுக்குருவி

தொடரும் பருந்து

ம. ரமேஷ் ஹைபுன் - 8

வாங்கிக்கொடுத்த பொம்மையை மாலையில் பார்க்கிறேன். கை, கால், தலை, உடல் என்று வேறுவேறு இடத்தில் இறைந்து கிடக்கின்றன… அதட்டினால் குழந்தை கை தட்டிச் சிரிக்கிறது. என்ன இப்படிச் செய்கிறாளே என்று படுக்கையில் சாய்ந்தேன். என்னுடைய கை, கால், தலை, உடல் எல்லாம் தனித்தனியாக இருப்பதைக் கண்டு அலரியடித்துக் கொண்டு எழுந்தேன். அட… கனவுதானா?. அப்படி கனவு என்று விட்டுவிட முடியாது. சிதறிக்கிடந்த  கை, கால், தலை, உடலை எல்லாம் திரும்ப இணைத்துவிட்டு நான் விளக்கை அணைத்துவிட்டு உறங்கினேன். குழந்தை சிரித்துக் கொண்டேயிருக்கிறது உறங்காமல்…

சிரிப்புச் சப்தம்

எட்டிப் பார்த்தேன்

குழந்தையுடன் பொம்மை

(வேறு எப்படியெல்லாம் எழுதலாம் என்பதற்காக சில எழுதியிருக்கிறேன். ஹைபுன் எழுதுபவர்களுக்கு உதவும் என்பதால்…)

சிரிக்கும் குழந்தை

உறங்கும் அப்பா

விழித்திருக்கும் பொம்மை

கடித்தப் பாம்பை

அடிக்க முடியவில்லை

கனவு

கை கால் தலை

சிதைந்தும் சிரிக்கும்

பொம்மையுடன் குழந்தை

கை கால் இணைகிறது

உயிர் பெறுகிறது

குழந்தையின் மனசு

© கவியருவி ம. ரமேஷ் ஹைபுன்கள்