ம. ரமேஷ் ஹைபுன் - 23

சவ ஊர்வலத்தின் முன்

எத்தனை 

சந்தோஷமும்

வேதனையுமாகத்

தாரைதப்பட்டையோடு

ஆடிக்கொண்டு இருக்கிறார்கள்…

மரணத்தில்தான்

எத்தனை

இன்பம்

எத்தனை

துன்பம்

மழை நேரம்

பசியோடு திரும்புகின்றன

எறும்புகள்

விபத்து அல்ல கொலை

பூவில் தேனெடுத்த

வண்ணத்துப்பூச்சி

மகிழ்ச்சியோடு

தலைகால் புரியாமல்

சாலையைக் கடக்க

வாகனத்தில்

அடிப்பட்டு இறந்துபோனது

அது விபத்து அல்ல

கொலை என்கிறது

அந்தப் பூ!

குற்றவாளியை

யார் தண்டிப்பார்கள்?

கொஞ்சம் நட்பு, காதல் நிறைய காமம்

கொஞ்சம் நட்பு, காதல்

நிறைய காமம்

இருந்திருப்பதை 

நாம் அறியும் முன்னே

நம் நண்பர்களும்

நம்மைப் பார்க்கும்

சமூகமும்

முடிவெடுத்துவிடுகிறது.

நான்

நிறைய காமத்தையும்

காதலையும்

தவிர்த்து

நட்போடு

அவன் கையை இறுக்கி

நடந்துகொண்டுள்ளேன்

எதைப் பற்றியும்

ஏன்

யாரைப் பற்றியும்

கவலைப்படாமல்!

எல்லாம் சரியென்று

யரோ கேட்பது புரிகிறது.

திருமணத்திற்குப் பின்பு?

நட்பு என்னும் கற்பு!!!

உனக்குப் போயி

எப்பிடிடா செட் ஆயிச்சி…

அவ தான்டா மச்சி என் காதலி…

லவ் செட்டாயிடுச்சி

மச்சி ட்ரீட் எப்படா?

இப்ப வருவா பாரு என் லவ்வரு…

இன்னிக்கு

பீச் போவலாமுன்னு இருக்கோம்…

நாம சினிமாவுக்குப் 

போவலாமான்னு கேட்டுட வேண்டியதுதான்...

வண்டியில பின்னாடி உட்காந்து வந்தாளே

அவளாடா உன் செட்டப்பு…

என்கூட மட்டும்தான் 

அவ சிரிச்சி சிரிச்சி பேசுவா…

எனக்காக  உயிரையும் கொடுப்பா…

இப்படிச்  சுட்டிக்காட்டும்

எல்லா பெண்ணும் - ஒருத்தியே!

நட்பென்னும் கற்பு என்றுதான்

அவள் பழகிவருகிறாள். 

புதுமொழி - சென்ரியூ

பிழைத்தாலும் ஆயிரம் பொன்

இறந்தாலும் ஆயிரம் பொன்

ஆப்ரேஷன் டேட்டரில் நோயாளி

வாடுவதற்குள் உதிர்ந்த பூ!

அப்படியும் இப்படியுமாகத்
திரிந்து கொண்டிருந்த
இரு வண்டுகள்
வந்து அமர்கிறது
ஒரே பூவின் மீது.
சிரித்துக்கொண்டிருந்த
அந்தப் பூ
வாடுவதற்குள்
உதிர்ந்துபோனது!

கவியருவி ரமேஷ்

என்னுடைய பிளாக் இனி http://www.kaviaruviramesh.com/ கவியருவி ரமேஷ் என்ற முகவரி மாற்றத்தில் இயங்க ஆரம்பித்துள்ளது என்பதை மகிழ்ச்சியோடு  தங்கள்அனைவருக்கும் தெரிவித்துக்கொள்வதில் மகிழ்கின்றேன்.

கவிதைகளின் பரிமாணத்தை முழுமையாக அறிந்து கொள்ள ஏதுவாக இந்தத் தளம் இனி செயல்படும் என்பதை மகிழ்வுடன் தெரிவித்துக்கொள்கிறேன்.


அனைந்து உறவுகளுக்கும் நிறைந்த அன்பும் மகிழ்ச்சியும்.
http://www.kaviaruviramesh.com/